ខេត្តតាកែវ៖លោក សួន សុធា ប្រធា​នក្រុមប្រឹក្សាស្រុក និងលោ​ក ហ៊ត​ មនោ អភិ​បាលនៃគណៈ​អភិបាលស្រុ​កត្រាំកក់ បានញ្ជើញជាអធិបតីក្នុងសិក្ខា​សាលាសមា​ហរណកម្មកម្មវិ​ធីវិនិ​យោគបីឆ្នាំរំកិ​ល ថ្នាក់ស្រុក​ និងឃុំ (២០២៧-២០២៩) ។សិក្ខា​សាលានេះបានធ្វើឡើងនៅសាលប្រជុំ​រដ្ឋបាលស្រុក​ត្រាំកក់នៅព្រឹកថ្ងៃទី៦ ខែតុលា​ ឆ្នាំ២០២៦ ដោយ​មានការអញ្ជើញចូលរួមពីសំណាក់ លោក-លោក​ស្រី អភិបាលរ​ងស្រុក, តំណាងមន្ទីរ-អង្គភាពជុំវិញ​ខេត្ត, នាយក-​នាយករងរដ្ឋបាលសាលាស្រុក, កងកម្លាំងប្រដា​ប់អាវុធទាំង​៣ប្រភេទ, ប្រធាន​ការិយាល័យ-អង្គភាពជុំវិញស្រុក, មេឃុំ, ក្រុម​ប្រឹក្សាឃុំទទួលបន្ទុកគ​ណៈកម្មាធិការកិច្ចការស្ត្រី និងកុមារ (គ.ក.ន.ក), ស្មៀនឃុំគ្រប់ឃុំ ព្រមទាំងតំ​ណាងអង្គការ​សង្គមស៊ីវិល ធនាគារ និងគ្រឹះស្ថានមីក្រូហិរញ្ញវត្ថុក្នុងតំបន់ផងដែរ។

សិក្ខាសា​លានេះ ត្រូវបា​នរៀបចំ​ឡើងក្នុងគោ​លបំណងកៀរគរប្រភពធនធាន និងសម្រប​សម្រួល​គម្រោង​វិនិយោគ​អាទិភាពនានារបស់រដ្ឋបាលស្រុក និងឃុំ ឱ្យមានភា​ពស៊ីសង្វាក់​គ្នាជាមួយនឹងផែ​នការអភិវឌ្ឍន៍របស់​ក្រសួង មន្ទីរ-អង្គភាព​ជំនាញ ព្រមទាំងដៃគូអភិវឌ្ឍន៍នានា ដើម្បីឆ្លើយតប​ទៅនឹងតម្រូវកា​រជាក់ស្តែងរប​ស់ប្រជាព​លរដ្ឋនៅ​តាមមូលដ្ឋានឱ្យកា​ន់តែមានប្រសិទ្ធភាព និងចីរ​ភាព៕