ឯកឧត្តម កែ គឹមយ៉ាន អញ្ជើញចុះសួរសុខទុក្ខ និងផ្ដល់អំណោយជូនដល់ប្រជាពលរដ្ឋដែលរងគ្រោះដោយសារជំនន់ទឹកភ្លៀងចំនួន១៤០០ គ្រួសារ ក្នុងក្រុងសិរីសោភ័ណ និងស្រុកមង្គលបូរី
October 2, 2026
បន្ទាយមានជ័យ ៖ ឯកឧត្តម កែ គឹមយ៉ាន តំណាងរាស្រ្តមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ និងលោកជំទាវ និងមានការអញ្ជើញចូលរួមពីលោកជំទាវ កែ សួន សុភី ស សុខា អមដំណើរដោយឯកឧត្តម លោកជំទាវ អ្នកតំណាងរាស្រ្តមណ្ឌលបន្ទាយមានជ័យ ឯកឧត្ដម ប្លែក វ៉ារី ប្រធាន ក្រុមប្រឹក្សាខេត្ត ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ នៅថ្ងៃទី២ ខែតុលា ឆ្នាំ២០២៦ បានអញ្ជើញជួបសំណេះសំណាល និងនាំយកអំណោយចែកជូនទៅដល់បងប្អូនប្រជាពលរដ្ឋ ដែលរងគ្រោះដោយសារទឹកជំនន់ទឹកភ្លៀងចំនួន១៤០០គ្រួសារ នៅស្រុកមង្គលបូរី និងក្រុងសិរីសោភ័ណ។
ក្នុងឱកាសនោះ ឯកឧត្ដម កែ គឹមយ៉ាន បាននាំនូវបណ្តាំផ្ញើសួរសុខទុក្ខ នឹករលឹក លើកទឹកចិត្ត ពីសម្ដេចតេជោ ហ៊ុន សែន ប្រធានព្រឹទ្ធសភា សម្តេច ឃួន សុដារី ប្រធានរដ្ឋសភា និងសម្តេចធិបតី ហ៊ុន ម៉ាណែត នាយកដ្ឋមន្រ្តី នៃព្រះរាជាណាចក្រកម្ពុជា ជូនដល់ប្រជាពលរដ្ឋទាំងអស់នៃមហាគ្រួសារអ្នកខេត្តបន្ទាយមានជ័យ ។ នោះដែរ ឯកឧត្តម កែ គឹមយ៉ាន បានណែនាំឱ្យអាជ្ញាធរគ្រប់ថ្នាក់បន្តយកចិត្តទុកដាក់តាមដាននូវរាល់សភាពការណ៍ជំនន់ទឹកភ្លៀងឱ្យបានជាប់ជាប្រចាំ។
ឯកឧត្ដម ក៏ថ្លែងអំណរគុណចំពោះអាជ្ញាធគ្រប់ជាន់ថ្នាក់ កងកម្លាំងទាំងអស់ ដែលបានខ្នះខ្នែងជួយសង្រ្គោះ បងប្អូនប្រជាពលរដ្ឋដែលទទួលរងនូវគ្រោះទឹកជំនន់។ ឯកឧត្តមក៏បានបញ្ជាក់ថា នៅក្នុងដំណាក់កាលដ៏លំបាកនេះ បញ្ហាជាចម្បងដែលប្រមុខរាជរដ្ឋាភិបាល តែងតែគិតគូរមុនដំបូងគេ គឺជួយសង្គ្រោះអាយុជីវិតរបស់បងប្អូនប្រជាពលរដ្ឋ ឱ្យរួចផុសពីទឹកជំនន់ ដោយបានចាត់ក្រុមការងារ ទាំងថ្នាក់ជាតិ ថ្នាក់ខេត្ត ក៏ដូចជាកងកម្លាំងពាក់ព័ន្ធ អាជ្ញាធរ ចុះជួយជម្លៀសបងប្អូនប្រជាពលរដ្ឋមកកាន់កាប់ដីរដ្ឋឱ្យបានទាន់ពេលវេលា មិនថាយប់ឬថ្ងៃឡើយ។
ឯកឧត្តម កែ គឹមយ៉ាន ក៏បានណែនាំដល់ប្រជាពលរដ្ឋទាំងអស់ជារួមនិងដោយឡែកសម្រាប់ប្រជាពលរដ្ឋដែលរងគ្រោះត្រូវតែបន្តយកចិត្តទុកដាក់សហការជាមួយនឹងអាជ្ញាធរមូលដ្ឋានផ្ដល់ព័ត៌មានផ្ដល់ព័ត៌មានឱ្យគ្នាទៅវិញទៅមកជាប្រចាំផងដែរដើម្បីជួយដោះស្រាយនិងសូមថែរក្សាសុខភាព អនាម័យ រស់នៅស្អាត ហូបស្អាត ជៀសវាងនៅជំងឺដង្កាត់ផ្សេងៗដែលអាចកើតមានជាយថាហេតុណាមួយ។
ឯកឧត្ដម លើឡើងថា បើក្នុងពេលទឹកជំនន់បានស្រកចុះ អ្វីដែលយើងដោះស្រាយ គឺការស្តារហេដ្ឋារចនាសម្ព័ន្ធផ្លូវថ្នល់ដែលបានរងផលប៉ះពាល់ដោយសារទឹកជំនន់ឡើងវិញ ដើម្បីធ្វើយ៉ាងណាបង្កលក្ខណៈងាយស្រួលដល់បងប្អូនប្រជាពលរដ្ឋក្នុងការធ្វើដំណើរ។ តាមអនុសាសន៍ដ៏ខ្ពង់ខ្ពស់របស់សម្ដេចមហាបវរធិបតី នាយករដ្ឋមន្ត្រីនៃកម្ពុជា ក្នុងពេលចុះជួបសំណេះសំណាលជាមួយបងប្អូនពលរដ្ឋរងគ្រោះដោយសារទឹកជំនន់ក្នុងក្រុងប៉ោយប៉ែតកន្លងទៅ បានដាក់ចេញនូវបទបញ្ជា ទៅដល់ក្រុមការងារក្រសួងជំនាញ់ពាក់ព័ន្ធ ក៏ដូចជាក្រុមការងារ ត្រូវរិះរកវិធីសាស្ត្រក្នុងការស្ដារប្រព័ន្ធប្រឡាយបន្ថែមទៀត ដើម្បីការពារទឹកជំនន់នៅឆ្នាំបន្ទាប់ ពិសេសមានលទ្ធភាពស្តុកទឹកទុកសម្រេប់ប្រើប្រាស់នារដូវប្រាំង៕
